Antie Koekie

“A True Friend is Someone Who knows the Song in your Heart,

And Sings it back to You when you’ve forgotten the Words.”

Soetwyn vir die Pyn

Sommer net a post om dankie te sê vir ‘n goeie vriend wat weet deur watter ongelooflike moeilike tyd ek nou gaan, met my ma se siekte.

Wat vir my sê: Maar jy kan nie so aangaan nie!

Maar wat ook verstaan wat die situasie is en wat sy uiterste bes probeer dat ek my lewe “on track” kan kry.

Wat vir my geld inbetaal en sê: Nou gaan koop jy ‘n bottel wyn, en jy drink hom vanaand uit, dat jy net bietjie kan afkom Aarde toe.!

Vir daardie vriend sê ek: Baie Duisend Dankie!

Dankie dat jy verder as my prentjie kyk en sien, wat ek nog sukkel om raak te sien— en wat glo dat ek dit sal kan regkry en bereik.

Dankie!

Advertisements

Ag die vreugde! Môre gaan die Disa op Nuweland blom!

En ok sommer “dankie tóg” dat dié Antie ‘n ou webwerfie het waar sy haar sê kan sê, soos wat sy hom wil sê. En die ding wat sy wil sê, is: “WP, Jou Lekker Ding! Prrroovencce! Go Stormers!

OK, OK— dis môre die “Stormers”, nie “Province” nie, ek weet. Maar dis dieselle ding, jy spel hom net anders.

Nou vir wat gooi ek die ou skrywetjie in onder die afdeling oor helde, heldinne en groupies? Omdat dit die enigste plek is waar ek GROOT HULDE kan bring aan die man wat my in 1982 ‘n Province fan gemaak het—— Carel du Plessis. 12 Keer uitgedraf as kaptein vir WP en elke drie wat hy in sy lewe gedruk het, het hy in my hart gedruk…………………….

Lees die res van dié inskrywing in my tydskrif, by http://www.antiekoekie.co.za

Wie is jou grootste vyand? Wie of wat is die mens of ding wat die slegste uit jou haal; wat jou met onsigbare kettings vasbind aan die verkeerde besluite van jou verlede, wat jou elke dag pootjie, sodat jy nooit, ooit ‘n sukses van jou hede sal kán maak nie?

Wat voor jou boekrak staan en spottend die stof van al die selfhelp guru’s se werke blaas? “Jou Beste Lewe Ooit!”(Joel Osteen), “The Winning Attitude” (John C Maxwell) “Approval Addiction”( Joyce Meyer), “Is ek Slim of is ek Dom?” (Kobus Neethling), “Emosioneel Intelligent….Jy!”(Annie Coetzee), “Sukses is Maklik” (Colin Turner)

Wie is jou Nemesis, jou godin van Vergelding wat elke keer as jy dink jy’s toe eintlik nie só bad nie, jou soetjies herinner aan al die kere wat jy, eier in die gesig, plat op jou alie beland………………..

Gaan na my aanlyn tydskrif, http://antiekoekie.co.za, en lees verder.

Sien jou daar!

Ja, uiteindelik, na maande se geswoeg en sweet en stress, is “Antie Koekie”, die aanlyn tydskrif ge-launch.

“n Paar van my blogger pelle het al kom inloer—– as jy nog nie daar was nie, nou is die tyd!    http://www.antiekoekie.co.za

Sien jou daar!

Lyk my êrens in ons gene is daar maar die aantrekkingskrag na daar, waar alles vir ons ou volkie begin het——- die mooiste, mooiste Kaap!  Wes- of Ooskus, maki saki.Solank Tafelberg die middelpunt bly.
Als is so deurmekaar, ek gaan hopelik vanmiddag gou af see toe, vir die 1ste keer!! Paternoster of Jacobsbaai, ek’s nie seker watter 1 nie, maar dit bly  ‘n bonus, aangesien ek nie gedink het dit gaan moontlik wees om daai plekkies te sien nie.
2 Slapies in Vredenburg, dan 1 in Tableview (Blouberg, hier KOM ek!!!) en dan ‘n laaste slapie in Stellenbosch, voor ons die pad aandurf, huistoe.
Hierdie hele trippie was vir my ‘n eye-opener——- nadat ek ‘n jaar lank na my kinders verlang het, was dit asof ons nooit weg was van mekaar nie; alles was dieselfde, geen verveemding, niks!

En nadat ek by altwee kinders se huise tuisgegaan het, besef ek met ‘n skok, dat dit nie regtig my huis is nie. My huis is in die dorre, barre, vale Vrystaatse Goudveld, tussen mielielande en mynhope—– in elk geval vir die oomblik. Dis daar waar my ma, my katte en boeke en foto’s en CD’s is. Met ander woorde, daar waar die goed is wat my definieër.

Maar glo my, as die geleentheid daar is om see toe te trek, kan ek binne ‘n dag klaar pak!

Speedy Concalez se ouma!

Terwyl Antie Koekie se launch date, 1 April, gekom en gegaan het, is ek en Ou Dienskneg besig om, duisend kilometer uitmekaar, die stryd te stry teen ontoereikende tegnologie.
Toe ek op 28 Maart die pad gevat het, Weskus toe, was al my planne noukeurig uitgewerk. Die eerste drie dae by my seun op Velddrif, sou ek op sy rekenaar gewerk het om als reg te kry vir Die Launch. Dan sou ek die res van die tyd by my dogter op Vredenburg gekuier het, waar ek dan verder sou kon werk.
Ha! Dit was my perfekte plan, doer in die Vrystaat. Maar, a la John Lennon, “Life is what happens while you are making other plans.”
‘n Hele trop klein jakkalsies het egter my perfekte plan in die hande gekry en in duisend stukkies geskeur. Klein jakkalsies, soos bv, tydskedules wat nie ooreenstem; Skype wat nie werk vanaf Velddrif; skoonseun wat my PC format en vir my die wonderlike Windows 7 laai (met al die gewone klein oorgangs struikelblokke wat daarmee saamgaan) en ek wat om de dood nie kan skryf, met TV’s wat blêr en mense wat om my praat nie.
Voeg daarby nog ‘n selfoon wat breek toe ek vir die honderdste keer die simkaart uithaal om in die dongle te sit, en jy het die prentjie!
Die feite is nou dat dit al die 4de April is, en ek en Ou dienskneg kry nie ge-Skype om dinge te finaliseer—————- ek kry nie eens ge-Twitter om almal in kennis te stel van die vertraging nie!
En die kersie op hierdie koek? Dinge gaan baie sleg met my ma. Sy het net skielik agteruitgegaan. Volgens Juan, wat mos by haar bly terwyl ek rondrits, kan sy glad nie meer loop nie en as sy moet opstaan om toilet toe te gaan, huil sy soos ‘n kind van pyn.
En ek sit sowat 1400 km van die huis af! Ek voel so magteloos! Dit lyk my asof ons planne sal moet maak dat ek vroeër teruggaan.
Solank julle net weet, Antie Koekie,Die Tydskrif, lê nog steeds en wag om die wêreld soos ‘n Hoëveldse storm te tref——————- sodra ons al die varkies weer in een hok kan kry!!
Soet bly, kindertjies. En doen asseblief alles wat julle favourite Antie nie kan/mag doen nie!

Toe ek vandag in Velddrif aanland en my seun met my in Bokkomlaan afry, is die eerste ding wat ek sien, ‘n ou man wat so pas van sy boot afgeklim het en ‘n stok met ingerygde vissies dra. Bokkoms. ‘n Tradisionele Weskus lekkerny.

Maar of ek dit gaan eet, is ‘n ander storie………….

Die Kaapse lug is nog net so skoon en vars en sjampanje-tintelend soos ek dit onthou. Ek en klein Luke het vanoggend in Vredenburg winkels toe geloop en dit het gevoel of ek nooit weg was nie!

Wat ‘n voorreg om weer by my kinders te kan wees. Toe klein Luke nog maar ‘n baba was, het ek vir hom sy eie spesiale liedjie geskryf, en dit elke dag vir hom gesing. Gisteraand begin ons dit sing en skielik bly hy stil en vra my om dit alleen te sing. Halfpad deur kom die trane en hy sê: “Atta, you have no idea how much I’ve missed that song!”

Die Kaap is weer Hollands. My plekkie in my kinders se harte is nog veilig!

Kalender

November 2017
M D W T V S S
« Jun    
 12345
6789101112
13141516171819
20212223242526
27282930  

Kuiergaste

  • 25,635 gaste

Top Clicks

  • Geen
"I find that the harder I work, the more luck I seem to have." - Thomas Jefferson (1743-1826)

Antie Koekie

Error: Twitter did not respond. Please wait a few minutes and refresh this page.