Vrydag, 26 Maart 2010. National Cleavage Day. Boobsday.

Of  te wel, “Hang Uit en Wys Dag”

Die manne se tonge gaan weer uithang en hulle gaan die heeldag drool…….

Nie dat ek nou ‘n ernstige probleem daarmee het nie—– ek bedoel, get real! Hoekom stort vrouens jaarliks derduisende rande in die koffers van lingerie vervaardigers, as hulle nie wil hê die mense (lees: manne) moet hul bates waardeer nie?

Want hierdie slim mense, soos Wonderbra, Playtex Cross-Your-Heart, Victoria’s Secret en ander verkoop ‘n droom.

By Wonderbra koop jy die illusie dat jou opgebruikte 32A, eintlik ‘n jeugdige 34C is.

Sannie se lewensmoeë 40CC, wat teen slapenstyd met haar naeltjie gesels, lyk more oggend heel indrukwekkend, sodra sy Die Tweeling in haar Cross-Your-Heart geskud het.

M.a.w., julle Antie verstaan die hele idee agter National Cleavage Day. Mans het ‘n beheptheid met vroue borste van die oomblik dat hy sy eerste skree gegee het, tot die dag dat hy sy kop neerlê.

Vroue het jare terug, al geleer watter krag daar in die regte halslyn is. n Sentimeter kan die verskil wees tussen sedig en stout. As kind het ek my altyd vergaap aan prentjies van Marie Antoinette en haar koek-etende vriendinne  aan die Franse hof——– boesems wat soos mosbolletjies bokant die baleine uitgepof het

Maar die ding wat dié Antie nou so dwars in die krop steek, is die blatante skynheiligheid agter die storie.

Hierdie is ‘n dag vir die manne. Maar wat van ons arme vrouens? Kry ons nie ook ‘n dag om die manne se bates te waardeer, of te vergelyk met die volgende ou s’n nie?

En  julle favourite Antie praat nie nou van boudjies nie——- huh uh! Boudjies is dubbelslagtig of eenvormig of universieël of hoe jy dit ook al wil sê.

Almàl kyk na boudjies. J-Lo het haar sitvlak verseker teen ‘n bedrag wat seker 100 mense in Haiti van ‘n huis kon voorsien

En ‘n man se mooi boudjies——-ag, liewe aarde, veral as dit sulke mooi ronde muffins is…………………..!

Maar nou sit die duiwel op my skouer en hy sê vir my: “Wat sal die manne daarvan sê as julle dames ‘n “Knop-stores” dag moet hou?”

As ons begin foto’s neem van hoe ‘n man se broek moet sit? Party dames sal seker gaan vir die losserige sweetpakbroek foto, met die effense belofte van groter dinge wat mag kom? Ander se smaak sal eerder wees vir die stywe, stywe denim, wat lyk of hy enige oomblik gaan oopbars.

Ag, en behoed ons van die ouer mans, met die wye pyp kortbroeke, wat so ongeskik sit dat jy besef dis nie net bolangs waar hy so heeltemal bollekop-kaal is nie. O, liewe Hemel, dis ‘n verskriklike onaptytlike gesiggie, wat my sommer by die naaste klooster sal laat aansluit.

Maar ek weet, en jy, dat as ons vrouens so ‘n dag instel, dit seksuele teistering sal wees.

Die manne sal so bedreig voel as hulle kroonjuwele skielik  onder die vergrootglas geplaas word, dat alles sal wegkrimp tot dit lyk of dit leeu-koud is.

Wat my laat wonder—–is  ons vroue nie tog maar die sterkere geslag? Ons kan dit immers vat!!